आसन्न स्थानीय तहको निर्वाचनका लागि भोलि र पर्सी मनोनयन दर्ताको समय तोकिएको छ। राजनीतिक दल र स्वतन्त्र उम्मेदवारहरु स्थानीय तहको निर्वाचनका लागि मनोनयन दर्ताको तयारीमा छन्।

यस्तै बैतडीमा पनि नेपाली कांग्रेसले वैशाख १२ गते दिउँसो १ बजे मनोनयन दर्ताका लागि समय तोकेको छ। मुख्य निर्वाचन अधिकृतको कार्यालयलाई पत्र लेख्दै कांग्रेसले वैशाख १२ गते मनोनयन दर्ताका लागि समय उपलब्ध गराउन माग गरेको हो। तर, कांग्रेसले सबै पालिकाका उम्मेदवारको अझै टुंगो लगाउन सकेको छैन्। 

निर्वाचन आयोगले वैशाख ११ र १२ गते मनोनयन दर्ताको समय तोकेको छ। सो अवधिभित्र उम्मेदवारहरुको मनोनयन दर्ता गर्नुपर्ने छ।