कैलालीमा माछा मार्दै गर्दा बेहोस भएका पुरुषको मृत्यु भएको छ।

प्रहरीका अनुसार शुक्रबार टीकापुर नगरपालिका-१ शिवनगर शिविर बस्ने ५९ वर्षीय सोमप्रसाद थारु माछा मार्दै गर्दा अचानक बेहोस भएका थिए।

कर्णाली नदीमा माछा मार्न गएका उनी नदी किनारमै बेहोस भएपछि उनका आफन्तले उपचारका लागि टीकापुर अस्पताल लगेकोमा त्यहाँ उपचार हुन नसकेपछि कोहलपुर रिफर गरिएको थियो।

कोहलपुर मेडीकल कलेजमा हिजो नै उपचारका क्रममा उनको मृत्यु भएको जिल्ला प्रहरी कार्यालय कैलालीले जनाएको छ।