कैलालीको धनगढी उपमहानगरपालिकाको उपमेयरमा माओवादी केन्द्रकी उम्मेदवार शान्ति अधिकारीले सुरुवातदेखिको अग्रता कायम राखेकी छिन्। गठबन्धनकी उम्मेदवार अधिकारीले २ हजार ४५३ मतगणना हुँदा ५७४ मत पाएकी छिन्। 

यस्तै स्वतन्त्र उम्मेदवार प्रभाकर भण्डारीले ३८१, एमालेकी उम्मेदवार कन्दकला रानाले ३२२ मत पाएकी छिन्। यस्तै राप्रपाका उम्मेदवारले १२७ र विवेकशिल साझाकी उम्मेदवारले २४ मत पाएकी छिन्। धनगढीको मेयरमा भने स्वतन्त्र उम्मेदवार गोपाल हमालले सुरुवातदेखिको अग्रता कायमै राखेका छन्।

हमालले १ हजार १३६ मत पाएका छन्। यस्तै सत्तारुढ गठबन्धनबाट काँग्रेसका उम्मेदवार नृपबहादुर वडले ६९३ र नेकपा एमालेका रणबहादुर चन्दले ११७ मत पाएका छन्।