धनगढीको मेयरमा २०७९ मत बदर, उपमेयरमा ४१६५ 
2022/05/16, 5:52
 
dd

धनगढी उपमहानगरको मेयरमा अहिलेसम्म २०७९ मत बदर भएका छन्। यस्तै उपमेयरमा ४१६५ मत बदर भएका छन्। उपमहानगरको मेयर र उपमेयरमा १०३२९ मत गन्दा उक्त संख्यामा मत बदर भएका हुन्।

यस्तै अहिलेसम्मको गणनामा स्वतन्त्र उम्मेदवार गोपाल हमालले फराकिलो मतान्तर बनाइरहेका छन्। हमालले अहिलेसम्म ४ हजार ५३८ मत पाएका छन्।

यस्तै सत्तारुढ गठबन्धनबाट काँग्रेसका उम्मेदवार नृपबहादुर वडले २ हजार ४२८, नेकपा एमालेका रणबहादुर चन्दले ११४० मत पाएका छन्। हमाल र वडबीच २११० मतको अन्तर रहेको छ।

यस्तै उपमेयरमा माओवादी केन्द्रकी शान्ति अधिकारीले २ हजार १३८, एमालेकी कन्दकला रानाले १ हजार ९३८ र स्वतन्त्र उम्मेदवार प्रभाकर भण्डारीले १ हजार २५६ मत पाएका छन्।