डोटीको शिखर नगरपालिकामा नेपाली काङ्ग्रेस विजयी भएका छ । सो पालिकाको मेयरमा दीर्घ बलायर विजयी भएका छन् । उनले ६५६२ मत प्राप्त गरे ।

उनका निकटतम प्रतिद्वन्द्वी नेकपा एमालेका भीम बलायरले ४५९१ मत प्राप्त गरे । नेकपा एकीकृत समाजवादीका सागर भट्टले ३०२ मत र राप्रपाका गिरी रोकायाले ४२ मत मात्रै पाए ।  उपमेयरमा नेपाली काँग्रेसकै सुनिता रावल जोरा ६४२६ मत ल्याउँदै विजयी भइन् ।

उनकी प्रतिस्पर्धी नेकपा एमालेकी लक्ष्मीदेवी मल्लले ४६४५ मत पाइन् भने नेकपा माओवादीका रमेशप्रसाद जोशीले ३६६ मत मात्रै पाए । नगरका ११ ओटा वडाहरुमध्ये ७ वडामा काँग्रेस र ४ वडामा एमालेका उम्मेदवार विजयी भएका छन् ।