कैलालीको गोदावरी नगरपालिकाको मेयरमा गठबन्धनका तर्फबाट उम्मेदवारी दिएका नेपाली कांग्रेसका वीरेन्द्र भट्ट निर्वाचित भएका छन् । उनी १५ हजार ५०१ मतका साथ मेयरमा निर्वाचित भएका हुन् । उनका प्रतिद्वन्द्वी नेकपा एमालेका गोकर्ण भट्टले ११ हजार २२४ मत ल्याए ।

त्यस्तै, उपमेयरमा भने एमालेकी शारदा रोकाया विजयी भइन् । उनी नेकपा एकीकृत समाजवादी पार्टीकी रत्ना कडायतलाई हराउँदै उपमेयरमा विजयी भएकी हुन् ।  रोकायाले १० हजार ६ सय ७० मत प्राप्त गरिन् । कडायतले ९ हजार ९ सय ८३ मत प्राप्त गरिन् ।

उनी निवर्तमान उपप्रमुख पनि हुन् । गोदावरी एमाले सचिव लेखराज भट्टको गृहनगर पनि हो । ०७४ को निर्वाचनमा यहाँ प्रमुख–उप्रमुख नै एमालेले जितेको थियो ।