बैतडीको सुर्नया गाउँपालिकाका नवनिर्वाचित जनप्रतिनिधिहरुलाई प्रमाणपत्र प्रदान गरिएको छ। बिहीबार नवनिर्वाचित जनप्रतिनिधिहरुलाई निर्वाचित भएको प्रमाण–पत्र प्रदान गरिएको निर्वाचन अधिकृत सिद्धराज जोशीले बताए।
सुर्नयामा अध्यक्ष, उपाध्यक्ष, वडा अध्यक्ष र सदस्य गरेर स्थानीय तहको निर्वाचनबाट ४२ जना जनप्रतिनिधि चुनिएका छन्। गाउँपालिकाको अध्यक्षमा एमालेका अम्मरबहादुर कुँवर र उपाध्यक्षमा नेपाली काँग्रेसकी मञ्जु बोहरा विजयी भएका छिन्।
आठ वडा रहेको सुर्नयामा ४ वडा नेपाली काँग्रेस, २ वडामा एमाले, एक वडामा माओवादी र एक वडामा राप्रपा विजयी भएको छ।
