कञ्चनपुरको बेलौरी बजारमा जथाभाबी सवारी साधन पार्किङ गरे कारबाही 
2022/05/31, 2:08
 
dd

कञ्चनपुरको बेलौरी नगरपालिकास्थित बेलौरी बजारमा सवारी साधन जथाभाबी पार्किङ गरिए कारबाही गरिने भएको छ। सोमबार बेलौरी यातायात प्रालि र बेलौरी अस्थायी ट्राफिक पोष्टको सहकार्यमा उक्त निर्णय गरिएको हो।

सवारी दुर्घटना न्यूनीकरणका साथै जथाभाबी पार्किङ रोक्न २र२ थान नो पार्किङ बोर्ड र पार्किङबोर्ड अस्थायी ट्राफिक पोष्टलाई हस्तान्तरण गरिएको बेलौरी यातायात प्रालिका सचिव ईश्वरबहादुर चन्दले बताए।

पार्किङ निषेध क्षेत्र एवं फुटपाथमा पैदल यात्रु र अन्य सवारीलाई असर पर्ने गरी सवारी साधन पार्किङ गरिएको पाइए तुरुन्त कारबाही गरिने बेलौरी अस्थायी ट्राफिक पोष्ट प्रमुख तेजेन्द्र धामीले बताए।