बैतडीको पाटन नगरपालिकाले सुर्नया नदीबाट जथाभावी रुपमा भइरहेको ढुंगा, बालुवा र गिट्टी उत्खनन् कार्यमा रोक लगाएको छ। नगर कार्यपालिकाको प्रथम बैठकले सुर्नया नदीमा भइरहेको प्राकृतिक श्रोतको दोहन रोक्न उक्त निर्णय गरेको हो। 

नगरपालिका क्षेत्रभित्रको नदी किनारबाट जथाभावी ढुंगा, बालुवा र गिट्टी उत्खनन् गर्ने कार्य भइरहेकाले त्यो कार्य रोक लगाइएको नगरप्रमुख गौरीसिंह रावलले बताए।

 नगरपालिकाले नदीजन्य बस्तु उत्खनन् गर्दा निश्चित मापदण्ड बनाउने र त्यसपछि मात्रै ढुंगा, गिट्टी र बालुवा उत्खनन गर्ने कार्य गर्ने जनाएको छ।  नगरपालिकाले ठेक्का प्रणालीमार्फत निश्चित मापदण्डका आधारमा नदीजन्य पदार्थ उत्खनन् गर्न दिनेछ।