जिल्ला समन्वय समिति बैतडीको प्रमुखमा गठबन्धनका साझा उम्मेदवार नेपाली कांग्रेसका खगेन्द्रसिंह धामी विजयी भएका छन्। मंगलबार सम्पन्न निर्वाचनमा धामीले १२ मत प्राप्त गरे भने उनका प्रतिस्पर्धी एमालेका मोहनबहादुर थापाले ८ मत प्राप्त गरे।
यस्तै उपप्रमुखमा माओवादी केन्द्रका दमनबहादुर कुँवर विजयी भएका छन्। उनले १० मत प्राप्त गरे भने उनका प्रतिस्पर्धी एमालेका हेमा भट्ट कपाडीले ८ मत प्राप्त गरिन्।
यस्तै तीन खुला सदस्यमा नेपाली कांग्रेसका करनसिंह कठायत र दानबहादुर बिष्ट तथा माओवादी केन्द्रका प्रेमसिंह भाट विजयी भएका छन्। तीन महिला सदस्यमा नेपाली कांग्रेसका यशोदा चन्द र हरु नेपाली तथा माओवादी केन्द्रका निर्मला भट्ट विजयी भएकी छन्।
यस्तै एकजना दलित सदस्यमा गठबन्धनका तर्फबाट स्वतन्त्रका हरना सार्की विजयी भएका मुख्य निर्वाचन अधिकृतको कार्यालयले जनाएको छ।
जिल्ला समन्वय समिति बैतडीको नेतृत्वका लागि नेपाली कांग्रेस, माओवादी केन्द्र र स्वतन्त्रबीच गठबन्धन भएको थियो। एमाले एक्लै चुनाव लडेका थियो।
सम्बन्धित वर्गका समाचारहरू
