भारतको तपोवन धारचुलाको धौलीगङ्गा जलविद्युत् परियोजनाको ड्याम साइटको ढोका खोलिएको छ ।

आज बिहान ५ बजेदेखि भारतले सिल्ट फ्लशिङ्ग गर्न ढोका खोलेको जिल्ला प्रशासन कार्यालय दार्चुलाले जनाएको छ ।

महाकाली नदीमा जलसहत बढ्न सक्ने भएकाले नदी तटीय क्षेत्रमा सतर्कता अपनाउन आग्रह गरिएको छ । बाँधको ढोका बेलुका ८ बजेसम्म खुला हुने पनि जिल्ला प्रशासन कार्यालय दार्चुलाले निकालेको सूचनामा उल्लेख छ ।

महाकाली जलाधारका केही ठाउँमा वर्षासमेत भएकाले नदीमा एक्कासी बहाव बढ्न सक्ने भएकाले सतर्क रहन प्रशासनको आग्रह छ ।