पहिरोले अवरुद्ध दशरथचन्द राजमार्ग सञ्चालनमा आएको छ। बैतडीको खोड्पे नजिक आरुबाटा भन्ने स्थानमा पहिरोका कारण आइतबार दिउँसो ३ बजेदेखि राजमार्ग अवरुद्ध भएको थियो।

सडक डिभिजन कार्यालयसँगको समन्वयमा लगिएको डोजरले पहिरो पन्छाएपछि सडक सञ्चालनमा आएको हो। बैतडीका प्रहरी प्रवक्ता, प्रहरी निरीक्षक लोकराज जोशीले राजमार्ग सोमबार बिहान ४ बजेदेखि पूर्णरूपमा सञ्चालनमा आएको जानकारी दिए। पानी परेपछि उक्त स्थानमा पहिरो खस्ने सम्भावना कायमै रहेको जोशीले बताएका छन्।