कञ्चनपुरमा लागुऔषधसहित २ जना पक्राउ परेका छन्। शनिवार भीमदत्त नगरपालिका–१८ बाट १८ वर्षीय दिपक दमाई र आरती दमाईलाई पक्राउ गरिएको जिल्ला प्रहरी कार्यालय कञ्चनपुरले जनाएको छ।

सोही ठाउँका विनोद दमाईको घरमा खानतलासी गर्दा उनकी श्रीमती आरती बस्ने कोठामा ०. ८३ ग्राम खैरो हेरोइन र उनका देवर नाता पर्ने दिपकको साथबाट १.५ ग्राम खैरो हेरोइन प्रहरीले बरामद गरेको थियो। लागुऔषध फेला परेपछि दुवैलाई नियन्त्रणमा लिइ कानून बमोजिम थप अनुसन्धान भइरहेको कञ्चनपुर प्रहरी प्रवक्ता प्रहरी नायब उपरीक्षक चक्रबहादुर शाहले बताए।