धनगढीमा जीपले गोरुलाई ठक्कर दिँदा एक जनाको मृत्यु भएको छ। धनगढी उपमहानगरपालिका ३ भाटभटेनी अगाडि धनगढीबाट अत्तरिया तर्फ गइरहेको जीप छाडा गोरुसंग ठोक्किएको हो। 

दुर्घटनामा बझाङ्ग तलकोट गाउँपालिका ५ बस्ने सवार आकाश मल्ल घाइते भएका थिए। मल्लको माया मेट्रो अस्पतालमा उपचारका क्रममा मृत्यु भएको जिल्ला प्रहरी कार्यालय कैलालीले बताएको छ।

बझाङ्ग तलकोट गाउँपालिका ५ बस्ने २२ वर्षीया राम संत्यालले चलाएको से१ज ८९० नम्बरको बलेरो जिपले छाडा गोरुलाई ठक्कर दिई पल्टिदा गोरु घटनास्थलमै मरेको जिल्ला प्रहरी कार्यालय कैलालीका प्रहरी नायव उपरीक्षक वेदप्रकाश जोशीले बताए। 

मल्लको शव पोष्टमार्टमका लागि सेती प्रादेशिक अस्पतालमा राखिएको र चालक प्रहरीको नियन्त्रणमा रहेको उनले बताए।