घोडाघोडी नगरपालिकाले ११ औं नगर सभा तथा आगामी आर्थिक बर्ष २०७७, ०७८ को नीति तथा कार्यक्रम सहित ८३ करोड ४१ लाखको बजेट सार्वजनिक गरेको छ । आर्थिक बर्ष २०७७, ०७८ का लागि ८३ करोड ४१ लाख २३ हजार ५ सय १७ रुपैयाँ बराबरको बजेट नगर सभामा नगरपालिकाका प्रमुख प्रशासकीय अधिकृत खगेन्द्र बहादुर सिंहले बुधबार प्रस्तुत गरेका हुन् ।
घोडाघोडी नगरपालिकामा ६ वटा शिर्षकमा बजेट विवरण गरिएको छ । जस अन्तरगत पुर्वधार विकासमा सबैभन्दा बढी ५९.७९ प्रतिशत बजेट विनियोजन गरिएको छ भने सबैभन्दा कम कोषहरु शिर्षकमा ०.२१ प्रतिशत बजेट विनियोजन गरिएको छ । आर्थिक बर्ष २०७७,०७८ को बार्षिक बजेट विवरण गर्दा आर्थिक विकासमा २ करोड १० लाख (४.५१५), सामाजिक विकासमा ५ करोड ७६ लाख (१२.४५), पुर्वाधार विकासमा २७ करोड ८६ लाख २३ हजार (५९.७९५), वन वातावरण तथा विपत व्यवस्थापन विकासमा २७ लाख (०.५८५) , कोषहरु १० लाख (०.२१५) र चालू १० करोड ५१ लाख (२२.५५५) बजेट सहितको नीति तथा कार्यक्रम नगरपालिकाले प्रस्तुत गरेको छ ।
घोडाघोडी नगरपालिकाको आय स्रोतमा आन्तरिक आय ४ रुपैयाँ रहेको छ । यसैगरी, राजश्व बाँडफाँड १४ करोड ६३ लाख ८३ हजार रुपैयाँ , वित्तीय समानीकरण अनुदान अन्तरगत संघीय सरकारबाट १८ करोड ५३ लाख र प्रदेश सरकारबाट ८१ लाख ८९ हजार गरी १९ करोड ३४ लाख ८९ हजार रुपैयाँ , विशेष अनुदान १ करोड ५० लाख , समपुरक अनुदान १ करोड ३६ लाख शसर्त अनुदान ३१ करोड ९५ लाख रुपैयाँ रहेको छ भने गत बर्षको नगद मौज्दात ८ करोड ६१ लाख ५१ हजार रुपैयाँ गरि कुल ८१ करोड ४१ लाख २३ हजार रुपैयाँको रकम विनियोजन गरिएको छ ।
जनप्रतिनिधिद्वारा नगर सभा बहिष्कार
घोडाघोडी नगरपालिकाले ११ औं नगरसभा तथा आगामी आर्थिक बर्ष २०७७, ०७८ को नीति तथा कार्यक्रम सहित ८३ करोड ४१ लाखको बजेट बुधबार सार्वजनिक गरेको छ । आगामी आर्थिक बर्ष २०७७, ०७८ को निति तथा कार्यक्रम सार्वजनिक गरिएपनी यस बर्ष वडामा थोरै रकम बिनियोजन गरिएको भन्दै कतिपय जनप्रतिनिधिहरुले नगर सभा बहिष्कार गरेका छन् । नगर सभामा ६ जना वडा अध्यक्ष र कार्यपालिका सदस्यले बहिष्कार गरेका हुन् । बजेटमा नगर प्रमुखले एकलौटी गर्न खोजेको भन्दै वडा नं २, ३, ७, ८,११ र १२ का वडा अध्यक्ष र कार्यपालिका सदस्यले नगर सभा बहिष्कार गरेको एक वडा अध्यक्षले बताए । नगर प्रमुखले एकलौटी रुपले कार्यकर्तामुखी बजेट ल्याएकाले नगर सभा बहिष्कार गरेको घोडाघोडी नगरपालिका वडा नं २ का अध्यक्ष हरिराज बिष्टले बताए नगरपालिकाले यस बर्ष वडागत बजेट एक मुष्ट रूपमा ३ करोड ४१ लाख ५१ हजार रुपैयाँ विनियोजन गरेको छ ।
सम्बन्धित वर्गका समाचारहरू
