धनगढी- सुदूरपश्चिम प्रदेश सवारी तथा यातायात सम्बन्धी व्यवस्था गर्न बनेको विधेयकलाई दफावार छलफलका लागि अर्थ विकास तथा प्राकृतिक समितिमा पठाइएको छ । बिहीबार बसेको प्रदेश सभा बैठकबाट विधेयकलाई सर्वसम्मतले समितिमा पठाइएको हो । 

भौतिक पूर्वाधार विकास राज्यमन्त्री कुलवीर चौधरीको सो विधेयकलाई सम्बन्धित समितिमा पठाइयोस भन्ने प्रस्ताव पेश गरेका थिए । 
सुदूरपश्चिम प्रदेशको निजामती सेवा गठन, सञ्चालन र सेवा शर्तका सम्बन्धमा व्यवस्था गर्न बनेको विधेयकमाथि दफावार छलफल पश्चात तयार भएको प्रतिवेदन प्रदेश सभामा प्रस्तुत गरिएको छ । 

विधायन तथा प्रदेश मामिला समितिका सभापति नेपालु चौधरीले सभामा प्रतिवेदन प्रस्तुत गरे । विधायन तथा प्रदेश मामिला समितिमा सो विधेयकमाथि दफावार छलफल गरिएको थियो । प्रदेश सभाको अर्को बैठक शुक्रबार बोलाइएको छ ।