डडेल्धुरामा भारतबाट फर्केर क्वारेन्टिनमा बसेर घर फर्किएका युवको मृत्यु भएको छ । आरटिडी नेगेटिभ आएर घर गएका डडेल्धुराको अजयमेरु गाउँपालिका ५ का २६ बर्षीय पुरुषको मृत्यु भएको हो । जेठ ९ गते भारतबाट आएका २६ बर्षीय पुरुषको घरमा मृत्यु भएको अजयमेरु स्वास्थ्य शाखाका प्रमुख हिक्मत खडायतले पुष्टि गर्दै जानकारी दिए । 

गाउँपालिको वडा नम्बर ५ गाल नजिकैको क्वारेन्टिनमा १४ दिन बसेपछि उनीसंगै आएका १९ जनाको आरडिटी गरिएको थियो । आरडिटी रिर्पोट नगेटिभ आएपछि उनलाई घर पठाएको केही दिनपछि मुत्यु भएको स्वास्थ्य शाखाका प्रमुख खडायतले बताए ।

कोरोनाको कुनै लक्षण नदेखिकोले परिक्षण नगरिएको उनले बताए । मृतक युवकको स्थानीयले परम्परागत रुपमा दहासंस्कार गरिसकेका छन् । अजयमेरु गाउँपालिका ५ मा कुनै पनि अहिलेसम्म कोराना संक्रमण देखिएको छैन् ।