धनगढी- कैलालीमा बाढीले बगाएर एक युवतीको मृत्यु भएको छ। जिल्लाको धनगढी उपमहानगरपालिका–१३ की २० वर्षीया युवतीको मृत्यु भएको हो। 

उनी बाढीमा बगेर बेपत्ता भएकी थिइन्। उनको शव सशस्त्र प्रहरीको टोलीले भेटेको जनाएको छ। यस्तै कैलालीको भजनी नगरपालिका–८, गोडचौराका ५५ वर्षीय कालुराम चौधरी बाढीमा बगेर बेपत्ता भएका छन्।

प्रहरीका अनुसार उनको खोजी जारी छ। पथरैया नदीमा आएको बाढी गौडचौरा गाउँमा पसेको छ। भजनी नगरपालिकाका सबै वडा जलमग्न भएका छन्।

यस्तै उता, चुरे गाउँपालिकामा पहिरोले घर भत्किदा ८ वर्षीय बालक घाइते भएका छन् भने टीकापुर नगरपालिका–२ को विजयपुरमा २२ वर्षीय शिसिर चौधरी पनि घाइते भएका छन्। उनीहरुको उपचार जारी छ।