धनगढी- छोरीलाई घाइते बनाएर श्रीमतीको हत्या गरेर फरार भएका युवक पक्राउ परेका छन् । कैलालीको गौरिगंगा नगरपालिका वडा नम्बर ५ का शेर बहादूर नामजाली मगर आज बिहान श्रीमतीको हत्या र छोरीलाई घाइते बनाएर फरार भएका थिए ।

मगरले आफ्नी श्रीमती ललिता नामजाली मगरको हत्या गरेको आरोपमा प्रहरीले पक्राउ गरेको हो। आज बिहान श्रीमतीको हत्या गरी फरार भएका मगरलाई गाउँबाटै पक्राउ गरेको इलाका प्रहरी कार्यालय मालाखेतीले जनाएको छ।

घाइते उनकी छोरी लक्ष्मीको सेती प्रादेशिक अस्पतालमा उपचार भइरहको र अवस्था गम्भीर रहेको प्रहरीले बताएको छ। घटनाको थप अनुसन्धान भइरहेको प्रहरीले बताएको छ।