सरकार र आमरण अनशनरत डाक्टर गोविन्द केसीबीच सहमति भएको छ ।

सहमतिको प्रस्ताव तयार भएको  छ । सहमतिमा हस्ताक्षर डाक्टर केसीले हस्ताक्षर गरेका छन् । शनिबार साँझ नै डाक्टर केसीले अनशन तोडेको उनका सहयोगी प्रितम सुवेदीले जानकारी दिए ।

डाक्टर केसीले २७ भदौमा धनगढीको कृष्ण मन्दिरमा २० औं आमरण अनशन सुरू गरेका थिए । स्वास्थ्यमा समस्या देखिएपछि धनगढीकै सेती प्रादेशिक अस्पतालमा लगिएका उनलाई पछि काठमाडौंको त्रिवि शिक्षण अस्पताल, महाराजगञ्ज लगिएको थियो ।

डाक्टर केसीले बिरामीको संख्याका आधारमा चिकित्सकको दरबन्दी थप गर्नुपर्ने, सरकारी अस्पतालमा अत्यावश्यक परीक्षण निशुल्क गर्नुपर्ने लगायतका माग राखेर अनशन बसेका थिए ।