धनगढी - कैलालीको धनगढीबाट अवैध लागुऔषधसहित दुई जना किशोर–किशोरी पक्राउ परेका छन्। जिल्लाको धनगढी उपमहानगरपालिका–९ बाग्राकटानबाट अवैध लागूऔषधसहित उनीहरु पक्राउ परेका हुन्।

२ ग्राम ५ सय ७० मिलिग्राम लागुऔषधसहित धनगढी उपमहानगरपालिका–५ का १८ वर्षीय किशोर र १७ वर्षीया किशोरीलाई बिहीबार राति प्रहरीले पक्राउ गरेको हो।

यस विषयमा थप अनुसन्धान भइरहेको प्रहरीले जनाएको छ। पछिल्लो समय जिल्लाका विभिन्न स्थानबाट लागुऔषधसहित पक्राउ पर्नेहरुको संख्या बढ्दै गएको छ।