सुदूर पश्चिम प्रदेश सरकारको मुख्यमन्त्रीमा कमल शाह नियुक्त भएका छन् । प्रदेश प्रमुख देवराज जोशीले नेपाली काँग्रेसका संसदीय दलका नेता शाहलाई मुख्यमन्त्रीमा नियुक्त गरेका हुन् ।

शाहलाई नेपालको संबिधान २०७२ को धारा १६८ को उपधारा ३ अनुसार मुख्यमन्त्रीमा नियुक्त गरिएको प्रदेश प्रमुख जोशीले बताए ।  एक महिनाअघि मुख्यमन्त्री नियुक्त भएका नेकपा एमालेका संसदीय दलका नेता राजेन्द्र रावलले आज प्रदेश सभामा विश्वासको मत मागेका थिए ।  

विश्वासको मत पाएनन । उनी अल्पमतमा परे । रावलले विश्वासको मत गुमाएको जानकारी सुदूर पश्चिम प्रदेश सभा सचिवालयले जानकारी दिएपछि प्रदेश प्रमुख जोशीले ठूलो दलको नेताको हैसियतमा शाहलाई मुख्यमन्त्री नियुक्त गरे ।