सुदूरपश्चिममा ७ जना प्रहरीलाई कोरोना पुष्टि भएको छ । यसअघि पाँच जनालाई कोरोना पुष्टि भएकोमा दुई जना थपमा संक्रमण देखिएको हो । बाजुराका थप दुई जना प्रहरी जवानमा कोरोना पुष्टि भएको सुदूरपश्चिम प्रदेश प्रहरी कार्यालय दीपायलका प्रमुख प्रहरी नायव महानिरीक्षक (डिआइजी) उत्तमराज सुबेदीले जानकारी दिए ।

उनका अनुसार संक्रमण पुष्टि भएका प्रहरी क्वारेन्टिनमा खटिएका थिए । दुबै प्रहरी जवानको सम्बन्धित जिल्लाको आईसोलेसनमा राखेर उपचार भईरहेको उनले बताए । यसअघि कञ्चनपुरका तीन, बाजुरा र अछामका एकरएक जना प्रहरीमा कोरोना पुष्टि भईसकेको थियो । कञ्चनपुरका संक्रमित प्रहरी गड्डाचौकीमा भारतबाट आउने नेपालीहरुको समन्वयका लागि र क्वारेन्टिन सुरक्षार्थ खटिएका थिए ।

अछाम र बाजुराका संक्रमित प्रहरी भने क्वारेन्टिनमा खटिएका थिए। सुदूरपश्चिममा अहिलेसम्म एक प्रहरी सहायक निरिक्षक, एक हवल्द्धार र पाँच जना प्रहरी जवान गरी सात प्रहरीमा कोरोना पुष्टि भएको बताउँदै प्रहरी नायव महानिरीक्षक सुवेदीले चार जनाले कोरोना जितिसकेको बताए ।