महाकाली नदीमा निर्माण गरिएको चार लेनको पक्की पुल भोलिदेखि  सञ्चालनमा आउने भएको छ । विगत एक महिनादेखि बन्द गरिएको पुल भोलिदेखि पुनःसञ्चालनमा आउने भएको हो ।

आवागमन सहज बनाउन एकातर्फको दुई लेन खोलिने भएको हो । पुलको दुवैतर्फ विंगस वाल निर्माण गर्नुपर्ने भएकाले ११ चैतदेखि पुल बन्द गरिएको थियो। पुल बन्द हुँदा ठूला साना सवारीसाधन चल्न नसक्दा र पैदल यात्रीलाई पनि समस्या भएका थियो।

पुलको दुवै छेउमा गहिरो खाल्डो खनेर पर्खाल निर्माण गरिसक्दो पुलको काम लगभग पूरा भएको छ । पर्खाल निर्माणसँगै पुलको पूर्वतर्फ पोखरीको काम पनि चलिरहेको छ । पोखरी निर्माणको काम पनि बर्खाअगावैे सक्ने लक्ष्य रहेको निर्माण कम्पनीले जनाएको छ ।