एकैदिन सशस्त्र प्रहरीका तीनवटा बोर्डर आउट पोस्ट (बिओपी) स्थापना भएका छन् । दार्चुलामा एकैदिन तीन वटा बिओपी थपिएका हुन् ।

बिहीबार जिल्लाको मालिकार्जुन गाउँपालिका– ४ जोलजिबी, लेकम गाउँपालिका–३ लाली र व्यास गाउँपालिका–२ दुम्लिङमा बिओपी स्थापना भएको हो ।
यसअघि दार्चुलाको छाङरूमा बिओपी स्थापना भइसकेको छ । योसँगै दार्चुलामा बिओपी संख्या चार पुगेको छ ।

बिहीबार सशस्त्र प्रहरी बल नम्बर ७ वैद्यनाथ बाहिनीका बाहिनीपति सशस्त्र प्रहरी नायब महानिरीक्षक हरिशंकर बुढाथोकीले बिओपी उद्घाटन गरेका हुन् । दार्चुलामा मात्र ६ वटा बिओपी राख्न लागिएको छ ।