धनगढी - अछामको बयालपाटामा रहेको बयालपाटा अस्पतालको समस्या समाधान गर्न भनेर अध्ययन कार्यदल गठन भएको छ । सामाजिक विकास मन्त्री झपट साउदको पहलमा अध्ययन कार्यदल गठन भएको हो । सुदूरपश्चिम प्रदेश स्वास्थ्य निर्देशनालयका निर्देशक डा. जगदीश जोशीको संयोजकत्वमा ९ सदस्यीय अध्ययन कार्यदल गठन भएको मन्त्री साउदको सचिवालयले जानकारी दिएको छ । 

अध्ययन कार्यदल गठनसँगै अस्पतालको दीर्घकालीन समस्या समाधानका लागि यथाशक्य कार्य प्रारम्भ गर्न साउदले निर्देशन दिएका छन् । 

न्याय हेल्थ नेपाल र नेपाल सरकारको साझेदारीमा डेढ दशक देखि देखि अछाम जिल्लामा निःशुल्क गुणस्तरीय स्वास्थ्य सेवा प्रदान गर्दै आइरहेको बयालपाटा अस्पताल केही समय यता आर्थिक समस्या झेल्दै आएको छ ।