कञ्चनपुरमा पानी बोक्ने ट्याङ्करको ठक्करबाट एक जनाको मृत्यु भएको छ। जिल्लाको पुनवास नगरपालिकाको कालिका स्वास्थ्यचौकी नजिक पानी बोक्ने ट्याङ्करको ठक्करबाट मोटरसाइकलमा सवार एक जनाको मृत्यु भएको हो।

जिल्ला प्रहरी कार्यालय कञ्चनपुरका प्रहरी नायव उपरिक्षक अमरवहादुर थापाक्षेत्रीले वडा नम्वर ७ का ३८ बर्षीय लोकेन्द्रसिंह ठकुरीको घटनास्थलमै मृत्यु भएको जानकारी दिए।

से ६ प ६४२६ नम्वरको मोटरसाईकलमा सवार उनलाई बा १ क ९७८४ र से १ क १७४ नम्वरको ट्याङकरमध्ये एउटाले ठक्कर दिएको प्रहरी नायव उपरिक्षक थापाक्षेत्रीले बताए। 

घटनापछि आक्रोसित स्थानीयले पानी ढुवानी गर्ने दुई वटा ट्याङ्करमाथि आगजनी गरेका छन्। 

Edit Ad