कञ्चनपुरको दोधारा चाँदनी नगरपालिका–१० स्थित कुतियाकवरमा महाकाली नदीले कटान गर्न थालेपछि स्थानीयवासी अस्थायी तटबन्ध निमार्णमा जुटेका छन्। जोगबुढा र महाकाली नदीको दोभान भएका कारण उक्त क्षेत्रमा हरेक वर्ष डुबान र कटान हुने गरेको छ।

महाकाली नदीमा सामान्य जलस्तर बढ्दा पनि नदीले बस्तीतर्फ कटान गर्न थालेको दोधारा चाँदनी नगरपालिकाका नगर प्रमुख किशोरकुमार लिम्बूले जानकारी दिए। ुबस्तीबाट ४०र५० मिटरको दूरीमा महाकाली नदीले कटान थालेको छ यसलाई रोक्न अस्थायी तटबन्ध गर्न थालेका छौँु, नगरप्रमुख लिम्बूले भने, ुअहिलेसम्म नदीले दुई बिघाभन्दा बढी जग्गा कटान गरिसकेको छ।ु

उनले महाकाली नदीमा जलस्तर बढ्दा काम गर्न निकै कठिन भएको बताए। अहिले उक्त क्षेत्रमा स्थानीयवासीले रुखका हाँगा, बाँस र डोरीले पानीको प्रवाह कम गर्न अस्थायी तटबन्धको काम गरिरहेका छन्। ठूलो बाढी नआउँदै महाकालीले कटान गर्न थालेपछि यहाँका स्थानीयवासी त्रसित बनेका छन्। ुयहाँको खेतीयोग्य जग्गा नदीले तीव्ररूपमा कटान गरिरहेको छु, स्थानीय प्रेम सार्कीले भने, ुबाढीको त्रासले यहाँका बासिन्दाले सुत्न पाएका छैनन्।ु उनले कटान रोक्नका लागि स्थानीय पालिकाले तत्काल काम गर्नुपर्ने बताए।

स्थानीय मायादेवी सुनारले यहाँ हरेक वर्ष बाढीले क्षति गर्ने गरेकाले बस्तीको विकल्प खोज्नुपर्ने बताए। ुतीनतिर जोगबुढा नदी र एकतर्फ महाकाली नदीले घेरेको छु, उनले भने,ुयहाँ डुबान र कटान धेरै हुन्छ। बाढीकै कारण यहाँबाट धेरै अन्यत्र बसाइँ सरेर गइसके।ु 

गत वर्ष बाढीले बेसार र तरकारी खेती बगरमा परिणत गरिदिएको उनले बताए। उन्पचास परिवारको बसोबास रहेको यो बस्तीमा यहाँका स्थानीयवासी तरकारी उत्पादन गरेर जीविकोपार्जन गर्ने गर्दछन्। बाढीले यहाँको बिघौँ जग्गा बगरमा परिणत गरेको छ।