कञ्चनपुरमा युवायुवतीले नहरमा हाम फालेका छन । शुक्रबार बिहान ११ बजेतिर जिल्लाको भीमदत्त नगरपालिका वडा नम्बर १ भाँसीमा युवायुवतीले नहरमा हाम फालेका हुन । भीमदत्त नगरपालिका वडा नम्बर २ उल्टाखामका २३ वर्षीया राकेश चौधरी र महुलियाकी १९ वर्षीया रेनु चौधरीले नहरमासँगै हाम फालेका हुन् ।
स्थानीयले उनीहरुलाई हाम फाल्न देखेपछि युवतीको उद्धार गरिए पनि युवक भने भेटिएका छैनन् ।सोही नहर भएर गइरहेका बेला स्थानीय सुनिल चौधरीले नहरमा हाम फालेको देखेपछि युवतीलाई नहरबाट बाहिर निकालेको बताए । ‘पानीमा टाउको मात्रै देखिएको थियो । ‘उनले भने, ‘मैले उनलाई निकाले, पेटमा पानी भरिएर वेहोस भएकी युवतीको १० ÷१५ मिनेटमा होस आएपछि उनले नै युवकले पनि आफूसँगै नहरमा हाम फालेको बताईन् तर खोज्दैछौँ अहिले सम्म भेटिएका छैनन् ।
युवतीको महाकाली अस्पतालमा उपचार भइरहेको छ । उनीहरु दुवै जनाबीच प्रेम सम्बन्ध रहेको खुलेको छ । भीमदत्त नगरपालिका वडा नम्बर १ का वडाध्यक्ष आसेफ कुँवर (भुन्टु)ले नहरको पुलमा बसेका युवायुवतीले एक्कासीसंगै हाम फालेको स्थानीयले देखेपछि प्रहरीलाई खबर गरेको बताए । उनले वेपत्ता युवकको खोजी कार्य भइरहेको जानकारी दिए ।
कुँवरका अनुसार युवक नेपाली सेना र युवती ओभरसेर अध्ययन गर्दै आएका थिईन । दुवै जनाबीच लामो समयदेखि प्रेम सम्बन्ध थियो । कञ्चनपुर प्रहरीले वेपत्ता युवकको खोजी कार्य भइरहेको जनाएको छ भने घटनाको अनुसन्धान जारी छ ।
सम्बन्धित वर्गका समाचारहरू
