कैलालीका निर्माण व्यवसायी प्रकाश सेठी १४ औँ पटक सम्मानीत भएका छन्। जिल्ला प्रहरी कार्यालय नवलपुरको भवन सम्झौता अवधी सकिन तीन महिना अगावै सम्पन्न गरेपछि नेपाल प्रहरीका प्रहरी महानिरीक्षक आईजीपी ठाकुरप्रसाद ज्ञवालीबाट सेठी सम्मानीत भएका हुन् ।

राजेन्द्र रोयल जेभीका सञ्चालक सेठीले ठेक्का सम्झौता सकिन तीन महिना अगावै गत चैतमा काम सम्पन्न गरेपछि आईजिपी ज्ञवालीले प्रशंसा पत्र र बोनस सहित सम्मान गरेका हुन्। सेठीले एक करोड ९१ लखमा भवनको निर्माण सकिएको बताए ।

उनले २०७५ सालको फागुनमा ठेक्का सम्झौता भएर गत चैतमै तीन महिना अगावै काम सम्पन्न भएपनि ढिलोगरी उद्घाटन भएको जनाए। निर्माण व्यवसायी सेठी यसअघि निर्धारित समय अगावै काम सम्पन्न भएपछि १३ पटक सम्मानीत र पुरस्कृत भईसकेका छन् ।