डोटीमा भालुको आक्रमणबाट दुई जना घाइते भएका छन् । आदर्श गाउँपालिका ४ रोडिङकी ५६ वर्षीया गौरी भाट र ५० वर्षीय जङ्ग भाट भालुको आक्रमणबाट घाइते भएका हुन् ।

उनीहरुलाई आइतबार बुढीखेत भन्ने ठाउँमा खेतमा काम गरिरहेका बेला भालुले आक्रमण गरेको बताइएको छ । गम्भीर घाइते दुवै जनाको धनगढीमा उपचार भइरहेको जिल्ला प्रहरी कार्यालय डोटीले जनाएको छ ।

प्रहरीका अनुसार उनीहरुलाई स्थानीय जिडी पोलिक्लिकमा सामान्य उपचारपछि थप उपचारको लागि धनगढी पठाइएको थियो ।