सुदूरपश्चिमको प्रदेश प्रमुखबाट बिदा हुँदै गर्दा जोशीले भने – अब सक्रिय राजनीतिमा लाग्छु
2024/03/13, 12:15
२८ महिना सुदूरपश्चिम प्रदेशको प्रदेश प्रमुख रहेर बिदा हुँदै गर्दा देवराज जोशीले आफू अब सक्रिय राजनीतिमा लाग्ने बताएका छन् ।
सोमवार पदमुक्त भएका जोशीले मङ्गलवार धनगढीमा पत्रकारसँगको भेटघाटमा पहिलेजस्तै सक्रिय राजनीतिमा लाग्ने बताएका हुन्। उनी प्रदेश प्रमुख हुनु भन्दा अघि सम्म नेपाली काँग्रेसको सक्रिय राजनीतिमा थिए ।
बाजुरा निवासी जोशी २०४८ सालमा प्रतिनिधि सभा सदस्य निर्वाचित भएका थिए भने २०६४ सालमा संविधान सभामा निर्वाचित भएका थिए । जिल्ला पार्टी सभापति समेत भइसकेका जोशी थुप्रै पटक महासमिति सदस्य तथा महाधिवेशन प्रतिनिधि भए ।
२०७८ को कात्तिक २३ मा प्रदेश प्रमुखमा नियुक्त भएका जोशीलाई सोमबार सरकारले पदमुक्त गरेको हो । यो अवधिमा आफ्नो जिम्मेवारी र भूमिका सही ढङ्गले निर्वाह गरेको भन्दै उनले आफ्नो कार्यकाल सफल भएको दाबी गरे ।
2024/05/02, 3:11
2024/05/02, 3:06
2024/05/02, 3:04
2024/05/02, 2:59
2024/04/12, 2:42
2024/04/12, 2:20
2024/04/12, 2:07
2024/04/12, 2:02
2023/02/25, 11:10
2022/04/19, 11:14