कैलालीमा एक जना नातीले आफ्नै ७५ बर्षीया हजुर आमाको दाउले हानेर हत्या गरेका छन् । कैलालीको चुरे गाउँपालिका वडा नम्बर ६ भावरका २३ बर्षीय गणेशबहादुर ऐरले हजुर आमा ७५ बर्षीया पार्वतीदेवी ऐरलाई फलामको रड र दाउले हानेर हत्या गरेका हुन ।

मंगलवार दिउँसो ३ बजेतिर घरमा कोही नभएको मौका छोपी उनले हजुर आमालाई फलामको रडले घाँटीमा प्रहार गरी घाईते बनाएर घरको पश्चिम पट्टी रहेको अरहरको बारीमा लगेर धारिलो हतियार (दाउ) ले घाँटीमा प्रहार गरी हत्या गरी हत्या गरेको जिल्ला प्रहरी कार्यालय कैलालीका नायव प्रहरी उपरिक्षक प्रतिक विष्टले जानकारी दिए ।

उनका अनुसार हत्या गरिएको बारीमा अरहरको झारले शवलाई छोपेर लुकाएका थिए । वुधवार विहान हत्या भएको जानकारी पाएप्छि ईलाका प्रहरी कार्यालय फल्टुडेमा गएको प्रहरी टोलीले नाती गणेश ऐरले घरबाट नै पक्राउ गरेको हो । उनले हत्यामा प्रयोग गरेको  फलामको रड र धारिलो हतियार (दाउ) समेत बरामद गरीएको छ । घटनाको अनुसन्धान भईरहेको प्रहरीले जनाएको छ ।