कैलालीमा आफ्नै हजुर आमाको हत्या आरोपमा प्रहरी थुनाबाट हत्कडी सहित भागेका युवक पक्राउ परेका छन् । हजुर आमाको हत्याको आरोपमा पक्राउ परेका चुरे गाउँपालिका वडा नम्बर ६ भावरका २३ बर्षीय गणेशबहादुर ऐर प्रहरी नियन्त्रणमा रहेका बेला हत्कडी सहित भागेका थिए ।

उनलाई गएराति सहजपुर क्षेत्रवाट पक्राउ गरिएको प्रहरीले जनाएको छ । यद्धपी यस बिषयमा प्रहरीले भने जानकारी दिएको छैन । उनलाई पक्राउ गर्न ठूलो संख्यामा प्रहरी परिचालन गरिएको थियो ।

पक्रउ परेका उनलाई गएराति नै जिल्ला प्रहरी कार्यालयमा ल्याइएको छ । उनले मंगलबार दिउँसो फलामको रड र धारीलो हतियार प्रहार गरी हजुर आमाको हत्या गरेको प्रहरीले जनाएको छ ।