कैलालीमा कपडाको गोदाममा आगलागी हुँदा तीन जना घाइते भएका छन् । जिल्लाको बर्दगोरिया गाउँपालिका वडा नम्बर २ बौनीयाका द्वारिकाप्रशाद धमालाको घरमा रहेको कपडाको गोदाममा आगलागी भएको हो । 

आगो नियन्त्रणका क्रममा ८२ वर्षीय मुक्तिप्रसाद धमला, ३९ वर्षीय टेकराज जोशी र प्रहरी जवान टंकध्वज मगर घाईते भएका छन् । उनीहरुको बर्दगोरिया अस्पतालमा उपचार भइरहेको कैलाली प्रहरीले जनाएको छ । 

यस्तै, आगलागीबाट गोदाममा राखिएका कपडा तथा इलेक्ट्रिक लगायतका सामान जलेर नष्ट भएका छन् । ८० लाख बराबरको धनमाल जलेर नष्ट भएको प्रहरीले जनाएको छ ।