धनगढी उपनगरपालिका ५ तारानगरमा रहेको हिमशिखर बहु-उद्देश्यीय सहकारी संस्था लिमिटेडको १६औ वार्षिक साधारण सभा आज एक कार्यक्रमका बीच सम्पन्न भएको छ। सहकारीका अध्यक्ष दुर्गाप्रसाद भण्डारीको अध्यक्षतामा उक्त साधारण सभा सम्पन्न भएको सहकारीका सचिव बिमलकुमार जोशीले जानकारी दिए।
माननीय तथा राष्ट्रिय सभा सदस्य नारायण दत्त मिश्रको प्रमुख आतिथ्यता रहेको उक्त साधारण सभा कार्यक्रममा हिमशिखर सहकारीका सबै शाखाका कर्मचारी शेयर सदस्य ,ऋणी लगायत हिमशिखर सहकारीमा आबद्ध सरोकारवाला सबैको उल्लेखनीय उपस्थिति रहेको थियो।
वार्षिक साधारण सभाको उपलक्ष्यमा विभिन्न विधामा राखेर थुप्रै व्यक्तित्वलाई पुरस्कार समेत वितरण गरेको छ। उत्कृष्ट कर्मचारी हुँदै अमृता सिंह ठकुरीले पुरस्कार हात पारिन् भने, सहकारी क्षेत्रमा कलम चलाए बापत पत्रकार महासंघ कैलालीका अध्यक्ष तथा श्रमजीवी पत्रकार श्रवण देउवाले पुरस्कार प्राप्त गरे।
यस्तै सहकारीमा आवद्ध रहेका ४ जना जेष्ठ सदस्यलाई सम्मान गरेको छ भने, ५ जना उत्कृष्ट बचत सदस्यलाई सम्मान गरेको छ। यस्तै ५ जना असल ऋणी सदस्यहरुलाई समेत सम्मान प्रदान गरेको हिमशिखर सहकारीका सचिव बिमल कुमार जोशीले बताए ।
साथै यस सहकारी संस्थाले वर्षभरिको आफ्नो प्रगति विवरण आय-व्यय लगायतका बारेमा साधारण सभामा उपस्थित सदस्यहरूलाई जानकारी गराएको छ।
सम्बन्धित वर्गका समाचारहरू
