कञ्चनपुरमा मोटरसाइकल दुर्घटना हुँदा एक जना घाइते भएका छन्। जिल्लाको पुनर्वास नगरपालिका –११ अमरबस्तीमा धनगढीबाट बेलौरीतर्फ गईरहेको से५प ६०७९ नम्बरको मोटरसाइकल दुर्घटना हुँदा बेलौरी नगरपालिका –२ भैसोरीका ४३ वर्षीय चालक सञ्जय राना घाइते भएका छन्। 

तिव्र गतिका कारण मोटरसाइकल अनियंत्रित भई कलभर्टमा ठोकिएको र चालक पुल मुनि खसेर गम्भीर घाइते भएको प्रहरीले जनाएको छ। घटना लगत्तै स्थानीयले इलाका प्रहरी कार्यालय त्रिभुवन बस्तीमा खबर गरेका थिए। खबरपश्चात घटनास्थलमा प्रहरीको टोली पुगी घाइतेलाइ उद्धार गरेर उपचारका लागि धनगढीस्थित सेती प्रादेशिक अस्पताल लागिएको छ। 

घाइतेको अवस्था गम्भीर रहेकाे  ईलाका प्रहरी कार्यालय पुनर्वासका ईञ्चार्ज वकिलबहादुर सिंहले बताए।