कैलालीमा एक गाउँपालिकाका सूचना अधिकारीलाइ ८५ हजार घुस सहित अख्तियारले रंगेहात पक्राउ गरेको छ । जोशीपुर गाउँपालिकाका नासु तथा सूचना अधिकारी सिद्धराज जोशी ८५ हजार घुस सहित रंगेहात पक्राउ परेका हुन् ।

अख्तियार दुरुपयोग अनुसन्धान आयोग कञ्चनपुरको टोलीले उनलाई पक्राउ गरेको हो । सीपमुलक तालिममा सहजीकरण गरेको भन्दै ८५ हजार घुस लिईरहेको अवस्थामा उनलाई पक्राउ गरिएको कार्यालयका निमित्त प्रमुख महेश पाण्डेयले जानकारी दिए ।