अबिरल वर्षासँगै आएको बाढीले बाजुराको ताप्रिसेराको पक्की पुल बगाएको छ । बुढीगंगा नगरपालिका वडा नम्बर २ को बाढीले ताप्रिसेराको घट्टेखोलाको पक्की पुल बगाएको हो । साफे–मार्तडी सडक खण्डमा पर्ने पक्की पुल बगाएपछि आवागमन रोकिएको छ ।

बुढीगंगा नगरपालिका वडा नम्बर २ का अध्यक्ष हिरालाल थापाले आईतबार रातीदेखि परेको अविरल वर्षासँगै आएको बाढीले पुल बगाएपछि सडक खण्डको आवागमन समेत रोकिएको जानकारी दिए ।

जिल्ला प्रहरी कार्यालय बाजुराका प्रमुख प्रहरी नायव उपरिक्षक टकंप्रसाद भट्टराईले बाढीले पुल बगाएपछि यातायात सेवा पूर्ण रुपमा अवरुद्ध भएको बताए ।  साँफे मार्तडी सडक खण्ड अन्तगरगत पर्ने सो खोलामा निर्माण गरिएको पुल करिव २० मिटर लम्बाई रहेको थियो । पुल ३ वर्ष अघि निर्माण गरिएको थियो ।