अखाद्य बस्तु बेचबिखन गरेको भन्दै धनगढीको एक किराना पसललाई १५ हजार जरिवाना गरेको छ । वाणिज्य आपूर्ति तथा उपभोक्ता संरक्षण कार्यालय धनगढीले धनगढीको जैसवाल किराना पसललाई १५ हजार रुपैयाँ जरिवाना गरिएको हो ।

वाणिज्य आपूर्ति तथा उपभोक्ता संरक्षण कार्यालय धनगढीका प्रमुख कमल पुनका अनुसार अनुगमनका क्रममा अखाद्य वस्तु भेटिएपछि उपमहानगरपालिका २ मेन रोडमा रहेको जैसवाल किराना पसललाई १५ हजार रुपैयाँ जरिवाना गरिएको हो ।

उपभोग्य म्याद सकिएको अखाद्य बस्तु र भन्सार छली गरी अवैध रूपमा आयात गरिएका सुर्तीजन्य वस्तु बिक्री गरेको र खरिद बिल देखाउन नसकेपछि जरिवाना गरिएको उनले बताए । वाणिज्य आपूर्ति तथा उपभोक्ता संरक्षण कार्यालय बिहीबार धनगढीका ७ किनारा पसलमा अनुगमन गरेको थियो । अन्य पसलमा भने अखाद्य बस्तु नभेटिएको पुनले बताए ।