कैलालीमा ट्रकको ठक्करबाट मृत्यु भएकी एक युवतीको शव सोमवार साँझ उठेको छ । दिनभर सडकमा राखिएको शव साँझ उठाईएको हो । मृतकका आफन्तहरु आएपछि सडकमा रहेको शवलाई साँझ ६ बजेतिर पोष्टमार्टमका लागि टीकापुर अस्पताल लगिएको जिल्ला प्रहरी कार्यालय कैलालीका प्रवक्ता प्रहरी नायव उपरिक्षक प्रतिक बिष्टले जानकारी दिए ।

शव सडकमै राखिएका कारण अवरुद्ध भएको पुर्व पश्चिम राजमार्ग साँझदेखि सुचारु भएको छ । शव उठेपछि अवरुद्ध राजमार्ग सुचारु भएको हो । 
यसअघि दिउँसो शव उठाई यातायत संचालन गर्न प्रहरीले बल प्रयोग गर्न खोज्दा प्रहरी र स्थानीय बिच भडप समेत भएको थियो ।

प्रहरीले स्थितिलाई सामान्य पार्र्न लठ्ठीचार्ज गर्दै अश्रुग्यास समेत प्रहार गरेको थियो । सोमबार बिहान ना ६ ख ३३४० नम्बरको ट्रकको ठक्कर २६ वर्षीया सन्तोषी बोहोराको मृत्यु भएको थियो ।