कैलालीमा तीन दिनदेखि वेपत्ता युवती मृत फेला परेपछि घटनाको अनुसन्धानका लागि प्रहरीले उनका श्रीमानलाई पक्राउ गरेको छ । गोदावरी नगरपालिका वडा नम्वर १० मा स्थानीय २२ बर्षीया बिवाहित युवती लक्ष्मी साउँद मृत फेला परेपछि उनका श्रीमान ओम साउँदलाई प्रहरीले पक्राउ गरेको हो । 

मृतकका श्रीमानलाई पक्राउ गरी थप अनुसन्धान भईरहेको ईलाका प्रहरी कार्यालय मालाखेतीका प्रहरी नायव उपरिक्षक ज्ञानवहादुर विष्टले बताए । उनका अनुसार नहर किनारमा रहेको झाडीमा उक्तानो अवस्थामा शव भेटिएको थियो ।

उनी ११ गतेदेखि वेपत्ता थिईन् । मृतकका माईती पक्षले भने लक्ष्मीको हत्या नै भएको आरोप लगाएका छन् ।