सुदूरपश्चिम प्रदेश सरकारद्धारा खरिद गरिएको पिसिआर मेसिन जिल्ला अस्पताल डोटीमा पुगेको छ । मेसिन मंगलबार जिल्ला अस्पताल डोटीमा पु–याईएको हो ।

दुई वटा ट्रकमा मेशिनहरु ल्याइएको जिल्ला अस्पताल डोटीले जानकारी दिएको छ ।जिल्ला अस्पताल डोटीका नायब सुब्बा लोकेन्द्र बिष्टका अनुसार मंगलबार पुगेको मेशिन २० गते सम्ममा जडान भईसक्ने छ ।  

मेशिनले एकपटकमा ९६ नमुना परिक्षण गर्ने र दिनमा सातसय जति नमुना परिक्षण गर्ने क्षमता रहेको अस्पतालले जनाएको छ । प्रदेश सरकारले गत चैतमै डोटी,कञ्चनपुर र बैतडीमा पिसिआर परिक्षण शुरु गर्ने र त्यसका लागि पिसिआर मेशिन खरिद गर्ने निर्णय गरेको हो ।