कैलालीमा बुधबार आएको बाढीले छ हजार तीन सय २० घर परिवार प्रभावित भएका छन् । कर्णाली, पथरैया, काँढा, कान्द्रा, मोहना लगायतका नदीमा आएको बाढीले जिल्लाको पूर्वी क्षेत्रमा बढी डुबान गरेको हो । 

जिल्ला प्रशासन कार्यालयले दिएको जानकारी अनुसार जोशीपुर गाउँपालिकामा दुई हजार तीन सय १५ घर डुबानमा परेको छ । यसैगरी, भजनी नगरपालिकामा दुई हजार एक सय ८०, जानकी गाउँपालिकामा एक हजार र टीकापुर नगरपालिकामा आठ सय २५ घर परिवार प्रभावित भएको जिल्ला प्रशासन कार्यालयका सूचना अधिकारी शिवराज जोशीले जानकारी दिए । 
 

Edit Ad