मादक पदार्थ सेवन गरेर दुर्घटना घटाएको भन्दै डडेल्धुरा प्रहरीले एक जनालाई पक्राउ गरेको छ।

बिहिबार जिल्ला सदरमुकाम अमगढी नगरपालिका– ५ रानीधारा नजिक डडेल्धुराबाट बैतडी गइरहेको बा१८च ९६३७ नम्बर को स्कारपियो सडकबाट करिब २०० मिटर तल खसेको छ। प्रहरीले सो दुर्घटनाका दोषी चालक बैतडीको पाटन नगरपालिका– ६ का २६ वर्षीय भुवन विष्ट भएको भन्दै उनलाई पक्राउ गरेको हो। प्रहरीका अनुसार उनले रक्सी सेवन गरी सवारी चलाएका थिए।

पक्राउ परेका विष्टमाथि सार्वजनिक शान्ति विरुद्धको कसुर अपराध अन्तर्गत मुद्दा दर्ता गरी अनुसन्धान भइरहेको प्रहरी नायव उपरीक्षक दधिराम न्यौपानेले बताए। दुर्घटनामा गाडीमा सवार पाटन नगरपालिका ६ कै २६ वर्षीय हिमाल विष्ट घाइते भएका थिए।