कैलालीमा सरकारी गाडिले मोटरसाइकललाई ठक्कर दिएको छ । पूर्वपश्चिम राजमार्ग अन्तरगत जिल्लाको लम्कीचुहा नगरपालिका वडा नम्बर ६ मा बा १ झ ९२५० नम्बरको सरकारी गाडीले बा ३२ प ६४५३ नम्बरको मोटरसाईकललाई ठक्कर दिदा एकजना घाईते भएको प्रहरीले जनाएको छ।

सुदूरपश्चिम प्रदेश ट्राफिक प्रहरी कार्यालय अत्तरियाका अनुसार घाईते हुनेमा मोटरसाईकल चालक बर्दगोरिया गाउँपालिका वडा नम्बर ४ का  ३३ वर्षीय सिद्ध जयगढी रहेका छन्। उनको स्थानीय अस्पतालमा उपचार भईरहेको छ। 

दुर्घटना लगत्तै सरकारी गाडीका चालक र अन्य सवार फरार रहेको   प्रहरीले जनाएको छ।  घटनाबारे विस्तृत विवरण आउन बाँकी छ ।