अछाममा खोलामा बगेर एक बालिका बेपत्ता भएकी छन्। सोमबार जिल्लाको मेल्लेख गाउँपालिका –१ लिफ्रुकी अन्दाजी ८ वर्षीय मानिषा कुमारी बुढा लिफ्रु खोलामा बगेर बेपत्ता भएको जिल्ला प्रहरी कार्यालय अछामले जनाएको छ। 

दिउँसो ३ बजेतिर घट्ट गएको अवस्थामा लिफ्रु खोला तर्ने क्रममा उनी बेपत्ता भएको प्रहरी कार्यालयका सूचना अधिकारी प्रहरी निरीक्षक रमेशदत्त अवस्थीले बताए।

अहिले प्रहरी टोली परिचालन गरी बेपत्ता बालिकाको खोजी कार्य भइरहेको उनले बताए।