“ए मेरो प्रिय, चुहिने घरको छानो मीलेर टालुलि भन्थिस त, १/२ बर्ष मा परिवारमा नयाँ खुसीले छाउलि भन्थिस त” दक्षिण कोरीयाबाट विनयका दाई नरेश सिहंले आफ्नो फेसबुक स्टाईटसमा पिडा पोख्दै लेखेका छन् ।

“ए मेरो प्रिय, चुईने घरको छानो मीलेर टालुलि भन्थिस त,
१/२ बर्ष मा परिवारमा नयाँ खुसीले छाउलि भन्थिस त” एई कुरा भगवान ले सुनि दिएको रहेछ, भने जस्तै छका हानेर गईस,
कसरी आउला प्रदेश बाट के भनेर गएको छस् ? घरका लाई म कस्तो मुख्ले आउला ? मिल्ने भए तोलाई सादमा लिएर आउन्छौ भन्थे बुढा बाआमा लाई” ‘रेस्ट इन पिस’
शनिबार बिहानै डडेल्धुरा अस्पतालका हेल्थ असिस्टेन्ट विनय सिंह आफ्ना चार जना साथीहरुसँग डोटी सिलगडी स्थित शैलेश्वरी मन्दिर दर्शनमा निस्कीएका थिए । साथीहरुलाई बेलुका चाडै फर्किन्छु भनेर निस्कीएका बिनय कहिले नफर्किने गरी सेती नदीमा अस्ताएका छन् ।
शैलश्वरी मन्दिर दर्शनका लागि गएका चार जना त्यहाँ पुगेर दिउँसो डडेल्धुरा फर्किदै थिए । बाटोमा सेती नदी पर्ने हुँदा उनीहरु नुहाउन भनी गंगनान् भन्ने स्थानमा रोकिए । नुहाँउने क्रममा चारमध्ये ३ जनालाई एकैछिनमा सेति नदीले बगाएर लग्यो । तीन मध्ये खगेन्द्र कुँवरलाई स्थानीयले उद्धार गरे भने ल्याब असिस्टेन्ट हरीश जोशी र हेल्थ असिस्टेन्ट विनय सिंहलाई सेति नदीले बेपत्ता बनायो ।
बझाङको खप्तड छान्ना गाउँपालिका–५ मतुवा गाउँको गरिब परिवारमा जन्मिएका सिहंले धनगढीबाट हेल्थ असिस्टेन्ट पास गरेका थिए । पारिवारिक आर्थिक अवस्था कमजोर भएकै कारण साहुको रिण काढेर हेल्थ असिस्टेन्ट पास गरेका विनयलाई घर व्यवहार चलाउनकै लागी भएपनि जागिर खानु थियो, चुहिने घरको छानो टाल्नु थियो, नयाँ घर बनाउनु थियो, गरिब आमाबुवाको पीडामा मलम लगाउनु थियो, थुप्रै सपना अधुरै थिए विनयका ।
घरको छानो टाल्न नपाउँदै, परिवारमा आएको सानो खुसी साट्न नपाउदै सेती नदिमा अस्ताएका छन् विनय । बुवा भक्तबहादुर सिहं दैनिक ज्याला मजदुरी गरेर जिवीका चलाउथे । पारिवारीक आर्थिक अवस्था कमजोर भएकै कारण एक बर्ष अगाडी गाउँपालिका अध्यक्ष विर्ख रोकायाले आफ्नो पारिश्रमीकबाट विनयलाई लोकसेवा तयारी गर्ने धनगढी पठाएका थिए ।
विनयले लोकसेवा पास गरेर डडेल्धुरा अस्पतालमा जागीरे भए । सरकारी सेवामा प्रवेश गरेका बर्षदिन नबित्दै उनको परिवारका बर्जपात परेको छ । छोराले ल्याएको त्यो खुशी सिहं परिवारमा लामो समय टिक्न सकेन् । परिवारका खुशी, आमाबुवाका सबै आशा, सपना सेती नदीले विनयसंगै बगायो ।
सोमबार दिउँसोसम्म भने विनयको अत्तोपत्तो थिएन । बिनय जिवीतै आउने परिवारमा झिनो आश बाकी थियो । उनकै परिवारका सदस्य पर्पलले फेसबुकमा तिमी मुस्कुराउदै आउँ है विनय भन्दै पोष्ट गरेका थिए ।
“तिमी ,नआईपुग्दा सम्म गाँस छोडेर आश बोकेर तिमी आउछौं, आउदै छौं बाआमा परिबार शुभचिन्तक प्रतीक्षामा छन ब्रो बिनय । तर तिमी आउने कुराप्रती डर जगाईरहेको छ । के के न हुन्छ भनेर अत्याईरहेको छ । जसले जे भनेनी हामी तिम्रो स्वागत को लागि तयारी गर्दैछु । प्रिय् बिनय आउ मुस्कुराउदै”
तर उनको मुस्कुराउदै विनय आउने सपना सपनामै सिमित भएको छ । बेपत्ता भएको तिन दिनपछि सोमबार दिउँसो विनयको शव फेला परेको छ । उनको शव बेपत्ता भएको स्थानबाट करिब १ किलोमिटर तल शिखर नगरपालिकाको बान्डुंग्रीसैनको सेती किनारमा भेटिएको छ ।
यसअघि आइतबार डडेल्धुराको परशुराम नगरपालिका घर भएका ल्याब असिस्टेन्ट हरिश जोशीको शव डोटीको केआईसिँह गाउँपालिकाको नारीदाङमा फेला परेको थियो । सोमबार अपरान्ह जोशीको शवको पोष्टमार्टम गरेर अन्तिम संस्कार गर्न घटालथानमा लागिएको छ । भने, विनयको शव पोष्टमार्टमका लागि सेतीबाट डडेल्धुरा अस्पताल ल्याइएको छ ।