धनगढीमा बेहोस भेटिएका एक पुरुषको मृत्यु भएको छ । धनगढी उप–महानगरपालिका वडा नम्वर २ आदर्श टोलमा बेहोस अवस्थामा भेटिएका अन्दाजी ४५ बर्षीय पुरुषको मृत्यु भएको हो ।

जिल्ला प्रहरी कार्यालय कैलालीका सह–प्रवक्ता तथा प्रहरी निरिक्षक हिक्मत थापाले मृतकको सनाखत हुन नसकेको बताए । ‘आज बिहान बेहोस अवस्थामा भेटिएका पुरुषलाई सेती प्रादेशिक अस्पतालमा लगिएको थियो,’ उनले भने, ‘उपचारका क्रममा सवा ३ बजे उनको मृत्यु भएको छ । तर मृतकको सनाखत हुन सकेको छैन् ।’

मृतकको शव सेती प्रादेशिक अस्पतालको शव गृहमा राखिएको प्रहरी निरिक्षक थापाले बताए ।