बाजुराको गौमुल गाउँपालिका–४ डाँडाबाडा भैंसी गोठ माथिबाट पहिरो खस्दा एक बालकको मृत्यु भएको छ । पहिरोमा परेर १२ बर्षीया अनिश विकको मृत्यू भएको स्थानीय गोरख विकले जानकारी दिए । पहिरोमा परेर स्थानीय ६० बर्षीया भिके कामी गम्भीर घाईते भएको उनले जानकारी दिए ।

आईतबार बिहान सुतिरहेको बेला पहिरो आएको हो । गुवानी भन्ने लेकमा भैंसी गोठ माथिबाट पहिरो आएको हो । पहिरोमा परेर ४ बाख्रा र एक गोरु मरेका छन । घाईते कामीको कम्मर र हात खुट्टामा चोट लागेको बताईएको छ । १० हजार बढी नगद र अन्य लत्ता कपडा समेत पहिरोमा पुरिएको छन् ।

घटना भएको खबर आउने वित्तकै प्रहरी टोली हिडि सकेको छ । जिल्ला प्रहरी कार्यालय बाजुराका प्रहरी नायव उपरीक्षक टंक प्रसाद भट्टाराई नेतृत्वको टोली घटना स्थल तर्फ हिडीसकेको हो  घटना स्थलमा गई तत्काल राहत र उद्दार कार्यमा जुट्न जनप्रतिनिधिहरु र स्थानीयलाई गौमुल गाउँपालिकाका अध्यक्ष हरि बहादुर रोकायाले आग्रह गरेका छन् ।